DouZo - 寫意大半小時

食物：$$$
環境：$$$$
服務：$$$1/2 

看看手錶，距離活動時間尚有一個小時，可以悠閒地嘆個午餐。

想起寶石大廈附近，有間新開張不久的Cafe，即管去碰碰運氣，睇下有無位?

好彩早一部坐低，若然遲十五分鐘，就要等了。

經常想食Sukiyaki，只是日山永遠都訂唔到枱，而眼見呢度有壽培燒丼，都止住癮先喇~

牛肉、豆腐、芋絲、金菇菜、京蔥，同埋生蛋黃，真的帶出這感覺。將蛋黃撈勻，隨即起動。丼飯採用了日本米，本已是好吃，再加上微甜的汁醬，更輕易令人在不知不覺間清掉全碗米飯。同樣地，豆腐、金菇及芋絲在壽喜燒汁的加持下，變得更討好。主角之牛肉，不肯定是否和牛，卻已是軟腍可口。

一直不是抹茶的fans，但因為甜品選擇有限，所以也揀上了紅豆抹茶卷。紅豆的甜味正好中和了抹茶的澀，然而質感算不上十分軟熟，仍未能討我歡心。

Flat White的水準平凡，缺乏奶香。

原來店家的招牌，係日式咖喱，下次有機會試下佢既鹿兒島和牛堡日式咖喱飯吧~

可以靜靜地Hea大半句鐘，是多麼寫意的一回事。

餐廳資料:
DouZo
荃灣聯仁街18號地舖
63930936