2021年7月19日 星期一

一幻拉麵 - 又多一間



食物:$$$1/2
環境:$$$$
服務:$$$$ 

一幻拉麵,唔經唔覺開到第五間分店,最新的一家,係我地頭既荃新天地。

由灣仔、尖咀、中環,到屯門都一直支持,無理由在荃灣開店,我唔去會一會佢架!

炎炎夏日,先來份沙律打開胃口,是有必要的。清新的沙律菜配合甜中滲出微辣的的小蝦,十分醒胃,脆口的蝦仔也有助豐富口感,是特別而又有質素的前菜小吃。

每間的一幻分店,都會有其獨家口味的拉麵,屯門是北之極蕃茄蝦湯,與及札幌咖喱蝦湯,而荃灣店之限定口味,就係黑蒜蝦湯叉燒拉麵。

蝦湯是一幻的首本名曲,水準不用懷疑。荃灣店再將黑蒜原素注入原本已精彩的蝦湯之內,味道肯定唔會遜色,但個人認為黑蒜既味道可以再去盡一點。溏心蛋、火炙過的叉燒,依然保持水準,唯獨是麵條的鹼水味,始終不滅。

蝦汁胡麻冷麵又是夏日的另一好選擇,清爽怡人,麵條的質感比湯拉麵更好。

叉燒飯是筆者每次惠顧一幻必會吃的項目,角切叉燒軟熟,加埋麵酥及青蔥來伴圓潤的日本米飯,再一次令我滿足。

身為日式餃子控,即使怎樣飽也會點上一客餃子。底部煎得微脆,調味恰好,我唔客氣吞下了兩隻。

新店有一連串優惠,可以預期又會是火爆旺場店。

食飽就自己識做,快快讓出位置,唔好阻住地球轉。


餐廳資料:
一幻拉麵
荃灣楊屋道1號荃新天地一期UG樓UG02號舖
23689099

3 則留言: