2021年7月26日 星期一

新店速遞:Dancing Kettle - IGable



食物:$$$
環境:$$$$
服務:$$$$ 

濶太報料,長沙灣又有新Cafe開張,好IGable,問我有無興趣去試下。

興趣肯定是有,可惜當日另有活動,無法出席,但這店子的名字,我已牢記於心。

終於,我也找了個空檔,來到這所咖啡座,背對這世界,Hea足半天。

黑色背景,配上木系傢俬,型格得嚟又舒服,店內有唔少打卡位,但最搶鏡的,毫無疑問是門口呢個位置。

餐牌中看見有Carbonara,我即時發揮卡邦尼殺手的本色,點來一客。賣相並不太像樣,只有面頭的蛋黃最吸睛。果然,吃起來味道有欠濃郁,煙肉亦未煎得夠香口,大有進步空間。

同時間買埋甜品,是日蛋糕只得兩款,都是巴斯克蛋糕。即管來一件,後上。蛋糕有原味,以及Oero味,重口味既筆者,固然會要後者。可是,質感雖軟滑,但味道是淡淡的,與我想像中的Oero口味,大相庭徑。

炎炎夏日,放棄了熱咖啡,飲杯Dirty,或許會暢快些。

相信不久將來,又會有大把後生仔女,來打卡打到天昏地暗。

所以,要來趁早!


餐廳資料:
Dancing Kettle
深水埗福榮街218號美居中心地下59號舖

4 則留言: