食物：$$$$
環境：$$$$
服務：$$$$
或者許多人跟筆者一樣，近排吃得最多的，叫做Farewell飯。
英美澳加星馬泰，走得就走，離開了才算。
這次主角既目的地係最易成行的英國，嗰邊打邊爐既機會應該會相對少，就帶佢去食火鍋吧！
大公館的西餐廳，如今變身成為火鍋區，名為大公別館。暫時還未有太多人知道，因此可以清清靜靜吃一餐。
點選湯底，混醬，是吃火鍋的指定動作。最貴的極品佛跳牆湯鍋，需預訂，家陣做緊開業優惠價都要$1688，食唔起，同埋我唔食翅的。在其餘的七款湯底之中，挑了花膠濃湯雞鍋，除了入口濃厚膠質重，湯內附唔少花膠外，仲有半隻三黃雞。
雞肉很嫩滑，即使不停在鍋內滾，也不致半點嚡口。
香港人打邊邊肯定要有牛，本地牛頸脊是最大路的選擇。兩條友吃不了太多，只要半份。牛肉口感嫩滑，肉味濃郁，乃上乘貨色。
相對之下，西班牙黑毛豬，無論肉香與口感，皆被比下去。
四寶丸手打是理所當然，不僅如此，各式丸子還比坊間多一份心思，如墨魚丸是有芝士釀在裡面，牛肉丸混入了芫茜，豬肉丸配上芥末，仲有我最欣賞的烏雞丸，是加入了軟骨，吃起來口感自然更豐富。
新鮮紫淮山不用淥太耐，質感爽脆，也甜美，健康美味之好東西。
甜點也可選擇隔離大公館的出品，即管要客懷舊點心
『菲林筒』。層次豐盛，滿有芝麻香，其實根本不再需要以金萡作點綴。
由六點吃至九點多，全場只有我們二人，包場打邊邊我倒是首次~
其實我麻麻地金萡，每次見到都會挑走佢。^^”
回覆刪除做得岩呀
刪除火鍋都玩埋！
回覆刪除