Between - 避雨

食物：$$$1/2
環境：$$$$
服務：$$$$ 

忽然間一陣雨，我第一時間唔係諗住打傘，而是衝入Cafe避雨。

我唔係痴線，只是岩岩遇著剛剛，著名咖啡室Between近在眼前。

是的，就是在大館起朵嗰間Between。

不諱言，筆者是沒到訪過其大館的總店，但單看照片，呢間走簡約日系的分店，與總店的風格不盡相同。

齋飲咖啡似乎有點寡，反正還未食午餐，來份三文治也未嚐不可。

沒有在日系咖啡館常見的吉列豬扒三文治，取而代之是吉列雞扒作主角，不妨一試。厚厚的雞扒，外層薄而脆，肉質嫩滑，一邊配上椰菜絲，另一邊係海帶蛋黃醬，是清新好吃的，但就不太吉列。若然你是很執著既人，或者會有微言。

甜品選擇並不多，隨手挑件抹茶撻就是。撻皮鬆化，抹茶帶點回甘，中芯還有一層麻糬，好黏隻叉，吃起來好唔方便。

靜靜地呷一口Flat White，是難得輕鬆的時光。

雨停了，孭上背包，繼續上路。

餐廳資料:
Between
灣仔皇后大道東248號大新金融中心地下G3-G4號舖