食物：$$$1/2
環境：$$$$
服務：$$$1/2
長假期，疫情稍為放緩，是時候約大家食飯，朋友是要見面的。
朋友們都是酒店人，自己食飯就當然唔會去他們工作的酒店，而是找間各位都有興趣既食肆，在幾個選擇之中，揀了中環的蓉玥，友人還主動地馬上打去留枱。
原來，中午無得訂位，不過大家也決定去碰碰運氣，若然真是滿座的話，附近亦有不少餐廳可作後備。
以假期而言，店子都算幾旺場，可幸我們仍能進佔最後一張四人桌。
甫坐下，店員即奉來餐前小食，切得幼細的沙律，新鮮爽脆，如果胡麻醬可放得慷慨些，會更理想。
來幾味頭盤，其中一款叫做自信口水雞，看來師傅對這味四川涼菜是充滿信心。賣相的確吸引，肉質嫩滑而雞皮爽口，結合紅油的鮮香辣勁，與及花生粒，合格有餘的出品，我無意去打擊師傅的自信。
口水雞不錯，但更好吃的是椒鹽杏香菇。大小一口過，炸得粒粒香脆不油，內裡的杏香菇爽身有汁，教人吃不停口的一款佐酒良品。
忽然想食紅油抄手，又來一客。廿八蚊有六粒，抵到無朋友。是肉餡細小的傳統包法，只是醬汁以醋酸為主調，不甚正宗。
一場來到，必然要嚐這裡的招牌酸菜魚。魚片是滑，卻有唔少刺，吃時要小心。再說酸湯，真的是酸辣俱備，但就唔係正宗川味，是為港人而設的酸辣。想吃薯粉、窩筍、魚腐、金針菇、雲耳等，統統可以自行追加。
甜品選擇唔少，不過大家都鍾情於傳統的四川口味，所以點了冰粉，以及糍粑。前者份量蠻大，好在只點一客大家分享。香甜細滑的冰粉，加入了花生碎及提子乾，層次更豐富。糍粑口感不會硬轟轟，沾上紅糖，夠地道。
難得聚頭，大家有傾有講，好不開心，期間出現的小插曲當然無損各位心情...
消滅完甜品，執齊嘢，我哋去飲咖啡~
無得訂位但都坐到最後一張四人枱，絕對係好嘅開始！好認同朋友係要見⋯⋯雖然呢刻唔知幾時再見。
回覆刪除快D返來快D返來
刪除椒鹽杏香菇最吸引！但原來區師傅已離開了。
回覆刪除係咩
刪除