Elixir - 舊街角的咖啡時光

食物：$$$1/2
環境：$$$$
服務：$$$1/2 

真係好痴線，中午嗰餐仲未開始食，大家已計劃去邊度飲咖啡，無得飛既香港人就係咁。

邊食邊吹水邊上網搜尋，最近的咖啡室就在不遠處，三分鐘行到去，叫Elixir。

於是，大家食飽飽，就往美輪街方向走去。

咖啡室以灰白色為主調，簡約得來又不失個人風格，假日當然有不少客人來買心水咖啡。

四人行，無辦法坐埋一齊，但點選嘢食及飲品後，可以擔櫈仔坐係出面，是日天氣不太熱，清風送爽，查實幾舒服既。

各人點選心水咖啡，有凍也有熱，我的選擇是Honeycomb Latte，坦白說是第一次嚐試。

咖啡的質感正常，但總覺與蜜糖的味道不太合襯，或者只是我自己喝不慣吧！

齋飲咖啡比較寡，叫兩件Scone大家分享。兩件的口感均鬆軟，原味的一件充滿牛油香氣，另一款係伯爵茶口味，散發啖啖甘香，個人更加欣賞。

在外頭呷口咖啡，吃著鬆餅，跟朋友風花雪月，好耐無試過呢種舒暢既感覺，無得飛都唔係太壞啫~

傾傾講講，之後仲有人送來西環名店的蛋撻，太幸福了吧！

日子過得不容易，但願大家往後都順順利利。

餐廳資料:
Elixir
中環美輪街9號地舖
60830915