食物：$$$$
環境：$$$$
服務：$$$$
作為一個麻甩佬，自然是經常幫襯茶記和冰室，若然偶爾吃到有水準的，就當是Bonus。
早前已被大兄冰室的招牌吸引，加上朋友吃過也讚好，我諗係時候去會一會佢。
請小心不要入錯，因為大兄冰室與翠河餐廳有如連體嬰，好容易就轉左入去翠河。
當然，大兄冰室的裝潢時尚得多，店員的服務又是亳想不到的好，難得！
餐具一套套的入好，亦是冰室少見的誠意位。
要左個漢堡包餐，有跟湯或者沙律，我要前者。呢個蕃茄湯算係咁，至少有蠻多的新鮮蕃茄在內，與一般茶記的例水是天壤之別。
漢堡包的名字好架勢，叫經典日本牛肉流心五重芝士漢堡。用上超厚身的日本牛肉，入口十分鬆化，也不失肉味，芝士是意料之中的澎湃，配合軟熟又滿佈芝麻的漢堡包，呢個組合幾難會唔好食，不過又真係幾漏。
漢堡包邊放上少許沙律菜，伴以日式胡麻醬自然醒胃。食漢堡，當然也有跟上薯條，仲要係粗身嗰隻，帶有薯仔香，吃得一條不剩。
飲品一欄竟然發現台式黑糖珍珠奶茶，不妨一試。除有著掛杯的影相效果外，味道也不致甜得糖尿病發，比我預期中合心。
估唔到荃灣會有間咁似樣既冰室，未來將會成為我既飯堂。
希望佢水準唔好走樣~
漢堡配珍珠奶茶，好有創意喎！
回覆刪除人生有時係要DD新衝擊既 XD
刪除呢間大兄認真不錯！
回覆刪除比想像中好
刪除