The Roastery X - 屬於自己的時間

食物：$$$1/2
環境：$$$$
服務：$$$$ 

想問下，大家的減壓方法是什麼呢?

做運動? 打機? 吃零食? 約埋三五知己吹水?

定還是，你從來都無壓力呢? 如果是，我真係恭喜你呀！

於筆者而言，蒲咖啡室，是最佳的方法之一。是次既目的地，係The Roastery X，隨便亂入一間架咋~

在收銀位購買食物，拿個號，返埋位慢慢等，有人會送餐過來。店方奉上紙袋給客人放口罩，係細心位。

肉丸意粉的水準是預期之中，只要意粉唔係軟爬爬，蕃茄醬味道正常不造作，我已經沒有投訴，佢仲加入左磨菇粒，係驚喜位，畢竟呢度唔係食手工意粉的地方。

好想吃點甜，又在餅櫃中揀了件芒果芝士蛋糕。芝士蛋糕夠細滑，欣賞佢有脆餅底，頂頭的芒果味道天然，再伴上藍莓及草莓等，色彩更加繽紛漂亮。

咖啡選擇唔少的，但我總是還原基本步，來一杯 Flat White。有較Fruity和Nutty的豆可以揀，我的心水是後者。

質感順滑，Nutty既咖啡豆的確合我口味，係杯令我喝得舒服的咖啡。

聽下歌，飲杯咖啡，沉醉在自己的世界裡...... 可否永遠不用回到現實?

餐廳資料:
The Roastery X
大角咀嘉善街18號利奧坊二期地下G707號舖