Nomad Burger - 自己任砌漢堡

食物：$$$1/2
環境：$$$1/2
服務：$$$1/2 

可以既話，我盡量會揀坐低堂食，即使只有十五分鐘『私人時間』，已很開心，某程度上我也是個知足的人。

只是，現實往往未如人意，叫外賣也是平常事。

餐餐食飯盒，有時會想對自己好啲，去間值得支持的店子食漢堡。

小小的外賣店，亮點肯肯定是牆上由現代九龍皇帝松島安所題的『好食係漢堡，好 X係ＸＸ』。

自選漢堡，餡料、配料、包身，以至汁醬任你配搭，食薯條定薯餅由你話事，甚或是雞翼都得，但飲品只有罐裝汽水供應。

首次品嚐，餡料還是要安格斯牛肉最為穩陣。漢堡包包身軟熟，牛肉雖比較薄身，卻帶有肉香，唔會死實實，煙肉行超薄路線，入口特別香脆，以矜貴的羽衣甘藍取代甜生菜，也是盛意之作。

個人很愛吃薯餅，就是老麥的都唔會放過，可是這兩件出品卻是極為淡口。

邊做嘢邊飲可樂，可摸耳提神架呢?

結果，頂到晚上我才要飲杯咖啡~

餐廳資料:
Nomad Burger
紅磡德民街29號德民大廈地下F3號舖
60972623