Moreish & Malt - 環境及服務勝於味道

食物：$$$
環境：$$$$
服務：$$$$ 

紅磡有唔少優質小店，但當想食高級一點，選擇並不多，最近要去到Kerry Hotel。

時間實在太緊拙，趕投趕命吃完全不是享受，所以退而求其次，走到Hotel Sav，來一頓美式食物。

早前有食友在臉書上介紹過呢間酒店既早餐，四十蚊任食，中式點心、白粥炒麵，與及西式食品一應俱全，平過茶餐廳。

中午就沒那麼便宜了，平均大概百零蚊位，但已包任食沙律、餐湯、主食、甜品同埋嘢飲，仍然很划算。

南瓜湯味道一般，勝在熱度十足，沙律菜甚至少許苦澀，落筆打三更。

漢堡包與煎海鱸魚，大家分甘同味。家陣啲漢堡真的巨型，好多時會感覺無從入手 (口)，唯有用刀叉懶斯文地吃。除了厚身的牛肉，還有手撕豬肉，同埋大啡菇，超豐富的說。鬆軟多汁的牛肉，加埋香烤大啡菇，其實已經無得輸。

海鱸份量同樣大，可惜水準跟不上。魚皮是脆，最弊係好腥，連一向不怎怕魚腥的筆者也有點吃不消。有考慮過退貨，但時間不容許。

甜點是提拉米蘇，吃了一口才記得影相，真係老懵懂。質感是可接受的，反而覺得味道太甜，缺乏層次。

不喝咖啡，來杯伯爵茶未嚐不可。

或許是我戇居，在美式餐廳唔食扒，走去食煎魚，抵死~

餐廳資料:
Moreish & Malt
紅磡蕪湖街83號逸‧酒店1樓
22758778