2021年1月26日 星期二

大馬館 - 來碗肉骨茶



食物:$$$$
環境:$$$1/2
服務:$$$$ 

看見食友麵包超人在臉書出帖,得知太子近花墟新開了間馬來西亞餐廳,名叫大馬館。素來愛吃星馬菜系的筆者,立即雙眼發光,並將店子牢記於心。

休息日,睡到自然醒,獨自去探索馬拉風味。

食物款式不多,以米飯為主打,叻沙與蝦麵都沒有供應,還好仲食到肉骨茶。

毫不猶豫選上了肉骨茶,另外再加款小食,在串燒與香葉包雞之間掙扎,最終還是要後者。

不消一會,肉骨茶送上,看湯色與香氣,似乎很對辦。急不及待呷口湯,熱度足,醇厚也帶點點藥材香,喝得舒服。兩支骨肉質鬆化,附軟骨,沾上甜漿油,真心不俗。白飯撈湯,好輕易便清掉一整碗。你也可加五蚊轉油飯,但我就沒有這樣做。

差點忘記,吃肉骨茶最重要是有油炸鬼,那怕只是少少幾粒,令整件事更圓滿。

小食之香葉包雞,雞肉十分嫩滑,散發陣陣香料之氣息,好食。其實雞肉本身已夠味,但沾些少甜酸醬伴吃,又是另一番滋味。吃罷重口味的東西,再咬兩片清新的青瓜去清清味蕾,相當合適的安排。

店子沒有水吧,拉茶咖啡欠奉,只得罐裝飲品,來罐清涼爽清下熱氣吧!

已忘了多久沒喝過這款飲料。

其實吃任何主食,加十八個大洋都可以有碗小肉骨茶,倒是不錯之配搭。


餐廳資料:
大馬館
太子運動場道8-10號格蘭大廈地下8A號舖
23081690

4 則留言:

  1. 肉骨茶我未試過,可能因為一向唔多飲湯,多數會揀啲重口味嘅食物!:)

    回覆刪除
  2. 今日中午去咗呢嘢食午餐
    相信係老闆娘,佢唔單止唔招呼,驚死你唔攞針紙!佢呢頭趕住接外賣單,又問我攞針紙,我梗係唔同佢排隊,搵個位坐住先啦,之後我部手機放咗喺枱面,佢係咁拖我部手機,咁我梗係同佢講,你係都問一句,之後直至到有其他客人要坐我隔離,佢將所有嘢(包括餐牌,屏風)全部推過嚟我張枱,當人哋係死嘅,倒數嘅時候,我話你可唔可以尊重一啲,佢話我讚你幾十蚊,唔食咪罷囉!呢間店啲態度差到不得了!真係下次唔會再幫襯!

    回覆刪除