尾張屋 - 唯獨鰻魚飯不可取締

食物：$$$1/2
環境：$$$1/2
服務：$$$1/2 

在黃埔嚐過過江名店的鰻魚飯，水準爾爾，心情難免有點失望。

紅磡查實有兩家歷史悠久的小店，招牌鰻魚飯賣到街知巷聞，名字分別為三河屋，與及尾張屋。兩者位處同一條小街，係同一個老闆，所以不論是商標，抑或係店內格局，亦十分相近。

自己打對台，到底是好事定壞事? 我沒有細究。

畢竟座落低消費區，店子定價十分親民，四十蚊有找食到碗最基本的拉麵。

鰻魚飯是必點項目，另再加一客吉列豬扒拉麵，與朋友共享。落單後，店員先奉上味噌湯，夠味而不搶喉，比起我早幾天在別處喝到的要好。

呷幾口湯後，招牌鰻魚飯亦隨之送上，看得出熱呼呼的，很是誘人。

蠻厚身的鰻魚，口感雖稱不上彈牙，勝在肥美，沒有細骨，配埋味帶甜的蒲燒汁，是合格以上的分數。圓潤軟熟既米飯，加埋醒胃之汁醬，很容易便KO整碗飯。

鰻魚飯合心，拉麵水準又如何? 吉列豬扒拉麵，賣相與味道好港式，捲曲的麵條亦非我所好，還好豬扒與拉麵是分開上。

豬扒顏色尚好，可是外層的吉列皮偏硬，肉質唔算鬆化，一般而已。不過六十有找既價錢食到碗日式拉麵，去邊搵?

來這裡，還是單吃鰻魚飯好了~

餐廳資料:
尾張屋
紅磡明安街7號地下
67479579