海外篇：英國開Takeaway有無得諗？

 

講開外地，就繼續。

香港人想離開，暫時最容易的方法，就是拎住本BNO去英國，明年一月打後，隨時走都得。

然而，過去唔難，但都要考慮好實際既生活問題。英國5 – 7月的失業率4.1%，申領失業救濟人數270萬，要在當地搵份工，未必咁容易。

唔少人會諗，係嗰度開間Takeaway有無得做呢?! 不如我哋從Takeaway賣什麼食物、裝入成本、經營成本等同大家簡單分享下。

好簡單，純粹係概括數字俾大家有個概念，唔會同各位走去計ROI...

主要銷售的食物種類

1) 油炸食物及批 – 例如: 炸魚薯條、 炸香腸、炸香蕉、Steak & Kidney Pie、洋蔥雞肉批等

2) 中式小炒 – 例如: 炒飯炒麵、甜酸雞球、金沙骨、宮保蝦球、炒芽菜等

基本上款式不會太多，有些家庭式的小型Takeaway甚至連炒鑊也沒有，即只賣油炸食品，同埋大部份當地的外賣店也不會賣酒

食品售價

炸魚薯條約港幣$80 - $100/份；小炒約$50 - $70/盒

裝修及廚具等成本

這個要視乎是全新開店，抑或係頂手舖。據我一位在當地經營中式外賣店的朋友透露:

1) 如全新開店 – 爐頭雪櫃與抽風，加簡單裝修 (約港幣$60 – 80萬)

2) 頂手舊舖 (約港幣$30 – 50萬)

應自己開全新店還是頂手? 頂手舖係咪一定蝕錢先賣呢盤生意?

先講後面既問題，以我既認知，好多人或因年邁退休，或因健康問題，有的甚至『上左岸』都會出讓盤生意，所以頂手舖唔一定係蝕

又，再睇下做全新舖和頂手舖既利與弊：

全新店好處 – 全新裝修門面一定較光鮮企理，廚具及器材理應比較耐用

全新店壞處 - 要向食環及消防等申請，獲批後才可開始裝修，據知由入紙申請至真正可開店，隨時需時半年

頂手舖好處 – 省時。若上手是做得好的，或可賺埋品牌效應

頂手舖壞處 – 始終爐頭雪櫃等都有自己壽命，可能要預一筆錢作維修。另外，在文件上要多加留意，上手公司會否有債務等問題

租金

很多外賣店都是樓上居住而樓下經營生意，若以樓上兩房計，大約每月港幣$20,000 - $30,000 (以我所知，唔少店主請人是會包住，大多是住店舖樓上)

圖片來源: 網上瘋傳咳神的製圖

請人及人工成本

據在當地經營餐館的朋友說，英國的飲食業其實也很缺人手，請人會是其中一個最困難的問題。而薪金方面，一般識炒可即埋位的中廚，大約港幣$5,000 - $5,500/週 (英國是計週薪，而不是每月出糧)

我諗大致講咁多，稅務不在此詳述。

戴番個頭盔先！以上數字純屬俾大家來參考，不同地區、店舖面積、廚師手藝及名氣等都會影響成本...