新店速遞：Sammi #000000 - 不久將來的打卡熱點

食物：$$$$
環境：$$$$
服務：$$$$

作為一個咖啡控，雖然對咖啡的認識皮毛過皮毛，卻喜歡經常走訪不同的Cafe歎杯靚啡，兼且打下卡。

得知荃灣開了間新 Cafe，是該區名店森美餐廳的新線，既然在我地頭，無理由唔抽時間去拜會下。

黑白為主調，非常型格，處處是打卡位，不論是坐低歎的，抑或只是外賣既客人，亦禁不住拿出手機大影一番。

型店設有沙發位，也放了高枱，你想坐定定食嘢，定挨係度飲杯咖啡，悉隨尊便。

食物選擇查實很有限，只得幾款三文治、牛角酥及沙律而已，但未食早餐/晏既我，還是揀左件芝士火腿比得包作為午餐。

沒有什麼難度的項目，不過半溶的芝士跟上火腿，夾埋軟熟的比得包，又肯定會好吃，是簡單而滿足的一餐。

要杯竹炭拿鐵，所謂竹炭咖啡，都係視覺為主，黑漆漆加上拉花，份外誘人，佢咖啡底其實都唔錯既。

最重要，呢度係一間良心店呀~

剛剛試業，還未有太多人知道，但我深信不久的將來，又會是一個打卡熱點。

餐廳資料:
Sammi #000000
荃灣荃灣街市街117號蘊崇大廈地舖