食物：$$$1/2
環境：$$$1/2
服務：$$$1/2
土瓜灣的John Choy Cafe，主打虹吸式咖啡，開業以來大獲好評，身邊朋友試過異口同聲讚好，我飲完亦直豎拇指。
數年前在葵興KCC開設分店，更近筆者屋企，最重要是咖啡保持水準，我又可以多一個蒲點。
避開繁忙時間，平日十二點前來到，很大機會可以包場。
沒有All Day Breakfast，亦不會找得到Eggs Benedict，店家只供應三文治，以及公仔麵/米粉。
土瓜灣店，其實有更多嘢食選擇，而且仲有John 親自助陣，只是對我來說，有點遠。
三文治向來做得不錯，但只可以散點，再另叫杯咖啡的話，閒閒地八十個大洋，唔多划算。反之，三餸麵配咖啡可以跟餐，盛惠五十蚊 (單點一杯咖啡都四十啦!)，性價比高很多。
要左個芝士、蟹柳、餐肉撈麵，邪惡到一個點，豁出去了！
現成蟹柳無謂多講，滿心以為是半溶芝士，原來我諗多左，只係放兩片芝士係面，唯有自己動手。午餐肉反而幾好，尚算厚身，也是煎得香脆的。
跟餐的咖啡，可自選咖啡豆，肯尼亞豆成為了幸運兒。
入口細滑，沒有我不悅既酸味，味帶花香，飲落回甘，稱心如意。
以前，飲咖啡是為了給自己充電，今時今日，心癮而已。
若說休息是為了走更長的路，今趟休息過後 (如果仲有得上路既話)，我直頭可以去取西經~
餐廳資料:
John Choy Cafe
就當休息完結前，繼續享受慢活人生！:)
回覆刪除兩片芝士冇溶點食呀！
回覆刪除