食物：$$$1/2
環境：$$$$
服務：$$$$
香港經濟疲憊，我家樓下單位竟在此時大裝修，鑽牆鑽到嘈喧巴閉，我快要崩潰！
反正屋企附近無乜好食，索性搭一個站西鐵去美孚，隨意找個地方食個午餐，順便逛逛，打發下時間。
快要返火星既我，見到呢間The Planet，相信是我既目的地吧~
量體溫之外，每枱也擺放了搓手液，小店來說，做得夠足了。
午餐價錢親民，最便宜的黑椒牛/ 雞肉飯，連餐湯及熱飲，只是五十九塊錢。而我點選的卡邦尼意粉餐，盛惠六十八個大洋。
餐湯只有一款，無得你揀。是日的薯仔湯，味道濃郁而帶有薯仔顆粒增添口感，最重要是溫度足，最怕喝些溫溫吞吞的湯水。
主角的卡邦尼，意粉保持咬口，並且夠Creamy，唯嫌煙肉爆得唔夠香口，不過呢個價位，我又無乜好投訴。
店家竟然沒有白糖??! 咖啡糖伴熱檸檬茶，總是有點格格不入。
呢個行星，並唔係我屬於既火星...
如果有得選擇，我飲熱飲反而唔會揀白糖。
回覆刪除走糖把啦！
回覆刪除