食物：$$$1/2
環境：$$$$
服務：$$$$
千色滙前波士冰室的位置，依家拆開做兩間，分別賣越南粉，與及馬拉嘢食，隸屬同一集團。
我既選擇，從來是後者。短短兩年時間，這個叫『馬六』的品牌已開設了七家分店，發展迅速。
且看佢是否真正載有馬(鹿)六甲風味，抑或做得鬼五馬六?
探熱、搓手等基本動作做到足，而且更奉上濕紙巾及紙袋予客人放口罩，感覺唔錯。
先來的肉骨茶，夠熱，唯藥材味點到即止，雖然見碗內有一整個蒜頭，但蒜味我仍稍嫌不足，可以去得更盡。
要讚其慷慨，有三枝排骨之多，入口鬆化，醮上蒜茸及黑醬油，合格有餘。另還有好幾件索味的豆卜，若然湯頭可以濃郁點，這些豆卜自會更出色。
肉骨茶會配上油炸鬼和油飯，前者與深沉的湯從來合襯，油飯也做到本份，至少夠香，不過份量也真的太多了。
海南雞大致皮爽肉嫩，佐以三色醬汁，尤其是黑漆漆的甜醬油，令人吃得滿足。套餐還跟上湯及油飯，大男人都夠食。
飲品是急需改進的項目，杯白咖啡飲到我投晒降，據聞拉茶亦唔好得去邊。
點都好過上手嗰間偽冰室！
好想食雞皮呀(羞)!
回覆刪除一陣就去食啦
刪除海南雞掂喎！
回覆刪除算係咁
刪除