Rempah Noodles - 不俗的星馬小食

食物：$$$$
環境：$$$$
服務：$$$$

呢幾日，腦海不斷想起馬來西亞美食，我諗係時候搵間吃星馬菜式的餐廳，去止止癮。

有想過在荃灣蘇媽蘇媽搞掂便算，但這幾天反正要出灣仔辦點事，索性發掘下那邊的食店更好。話時話疫情期間，已有好一陣子沒有過海。

上網搜尋一下，目標經已鎖定，就係呢間Rempah Noodles。

馬拉文Rempah，是香料的意思，所以店家的招牌菜色，大概會是蝦麵或者叻沙吧！然而，素來『茂李』既我，是次卻放棄了任何麵食，反而點選了金杯以及咖央多士。

峇峇娘惹的特色小食金杯，在香港其實好罕見，筆者只有西環的馬來一嚐過，估唔到能在這裡重遇，感恩~

脆盞做得金黃鬆脆，內裡放入了蘿蔔、沙葛及蝦肉等同是爽口的餡料，再加上酸甜而滲出微微辣勁的汁醬，在炎炎天時吃這款小食，真心不錯。

至於咖央多士，四件層層疊起幾靚仔。麵包烘得鬆脆，中芯是大堆細滑如忌廉的斑蘭咖央醬，甜度不會太強，蠻有水準。

於我而言，吃星馬小食，飲品不外乎咖啡或拉茶，這兒竟沒有拉茶供應，那就順理成章要杯咖啡。呢度既咖啡，可選配砂糖或煉奶，毫無疑問我會選擇後者。

呷一口，味道非常濃郁，即使底下已有一定份量的煉奶，仍蓋不了其豆香。有些朋友可能會嫌苦，但這個年頭的香港人，相信早已習慣了吃苦的滋味。

兩款小吃的水準俱不俗，下次再來要會一會佢既蝦麵，同埋叻沙。

餐廳資料:

Rempah Noodles

灣仔軒尼詩道18號地舖

36184863