醒胃柚子醬煎廣島蠔

買左啲蠔，漲卜卜的，係度諗應該弄薑蔥炒蠔還是蠔肉釜飯?

仲有無其他煮法呢?

又，見屋企有樽韓國柚子蜜，呢個咁熱既天時，忽發奇想，倒不如弄個醒胃既柚子醬煎廣島蠔?!

用生粉清洗乾淨，再汆水三兩分鐘，備用。

與此同時，可以調校醬汁。柚子蜜與水的比例為 1:1，再加小量生抽，即可。

泊上薄薄的生粉，將廣島蠔煎香兩邊後，便可把醬汁落鑊。

讓每隻蠔沾滿醬汁後，可以上碟。

小秘訣：

• 蠔肉先汆水，一來可僻去腥味，二來可減少煎煮時間，令蠔肉保持嫩滑

• 泊上薄薄一層生粉，以熱鑊煎封，蠔肉便不會出水