食物：$$$$
環境：$$$$
服務：$$$$
近年相約過一些朋友去食素，得到的回覆大概是：『無乜興趣』『唔好喇卦』等等...
其實，家陣啲素食真唔同大家十多年前嚐到那些又老土又油膩，可以是精緻而且味道好的，如我這晚吃的素。喜。館。
館子藏身在銅鑼灣的商廈裡，像私房形式經營，每天一款套餐，沒得選擇。
既然無得揀，安頓好，便請店員上菜。先上前菜，涼瓜的甘苦，沒番咁上下經歷既人或許不會欣賞，個人未算特別鍾愛，但可以接受到，若然話梅的味道能去得盡啲，整件事相信會更吸引。
另外三款小食，以一隻長碟盛起。黑木耳及沙葛，兩種爽脆程度不同的東西放在一起，來個涼拌，帶微微的辣，醒胃有層次。茄子作開胃菜很常見，質感是預期之中，日式的汁醬成為了亮點。南瓜糕外型像法式可麗露，吃起來不致糊口，頂頭放上幾粒葵花籽，口感更好。
正值熱得令人食慾大減的炎夏，收起前菜的碟子，再來仍是清爽的東西，沙律是也。各式沙律菜蔬與生果的組合，絕對穩陣。西瓜甜美起沙，個人也特別愛吃桃，最欣賞是廚子加入了有個性的火箭菜，配合多汁的水果就更突出。
接著來的湯品，青青綠綠的色水，原來係全蔬菜湯。非常濃郁的味道，帶少許羽衣甘藍的回甘，喝得出的足料。廚子更配上了麵包來伴之，好飽肚呀喂！
再來的脆炸豆腐蛋卷，是全晚我最欣賞的菜色。健康的黎麥釀入豆腐之內，再披上薄薄而又香脆不油的黃金外衣，香氣陣陣。醮一點番紅花醬，咬下去鬆脆又富層次，味道不會寡，好吃得想『安哥』一條。
米飯甚具東南亞風情，皆因以蝶豆花來添上了色彩，再加上香濃的沙嗲串及精美既擺盤，令人陶醉。相信大家都知道，蝶豆花本身無味道，純粹帶出視覺效果，與甜中帶辣的沙嗲汁，是絕配。旁邊的腰果烘得寧舍鬆脆，不可錯過。
就是甜品的奶凍伴鳳梨雪葩也滿有驚喜，多久沒嚐過如此出色的甜點? 再飽也要將之悉數吞下。
提提大家，這裡只收現金~
串燒個樣睇落幾得下喎！又，我都like食桃，呢排都食唔少！
回覆刪除大部份菜色都唔錯
刪除呢餐好有驚喜！
回覆刪除同意呀!
刪除