食物：$$$$
環境：$$$$
服務：$$$$
我唔肯定，家陣酒店那些便宜得不可思議的優惠會做到幾時，所以趁五月尾，同好友來了半島酒店的日本餐廳Imasa，嚐一頓豐富的晚餐。
為何咁喜歡惠顧半島? 原因太簡單，因為佢曾經幫助過香港人。
以往在Imasa吃過晚餐，無一千個大洋唔使旨意落樓，依家餐廳晚市當午市做，最平既套餐(連加一)五舊水有找，都咪話唔划算。
前菜先以清爽無渣的菠菜及茄子打開胃口，菠菜還混入了爆汁的三文魚籽，口感自然更為豐富。
始終是這裡的熟客，吃著前菜，餐廳經理Jack見我們沒點飲品，主動送上果汁酒。極容易入口的飲料，實在似是在喝果汁，大概是為女士而設。
再來的就是煮物，蟹肉冬瓜軟腍又極為清甜，溫度充足，帶子的火侯拿捏得精準，質感細嫩，味鮮。
茶碗蒸份量比印象中大，又蟹肉又冬菇咁，足料且入口細滑，最重要是熱度夠。
好友的銀鱈魚西京燒，我忘了影相。嚐了一小件，厚肉但質感滑溜，脂香豐富，這也是銀鱈魚的一貫個性，西京燒做法自然好下飯。筆者的牛肉鍋，除了兩片巨型和牛外，還有大量的蔬菜、洋蔥，以至冬菇，浸淫在甜甜的汁醬內，軟腍入味，好友吃了不少，邊吃邊大讚精彩。
兩片和牛薄身但很大塊，靚牛根本不用淥太耐，輕輕拖幾下，見佢轉食就可以，否則太熟便浪費了。唔使問都知道會是入口溶化的好東西，不過都真的漏。
甜品有雪糕或雪葩，不論是醇厚的抹茶雪糕，抑或是清新既柚子雪糕，同樣令人滿意，只是我又唔記得影相，哈哈哈~
本年正值Imasa的廿五週年，餐廳特意推出套餐慶祝，$2525 (兩位用)便可食勻最靚的東西，包括龍蝦、鮑魚、蠔等，經理Jack更送了些現金劵給我們，一於找個機會再去享受一番！
有現金卷，有更大動力再去，繼續支持兼食好野！
回覆刪除岩呀!
刪除真係秀色可餐喎！咁多相都唔記得影！
回覆刪除老人痴呆
刪除