Cafe Roma - 呼吸清新空氣

食物：$$$1/2

環境：$$$$

服務：$$$$

疫情幾時過去? Who knows~

Well，我既意思係無人會知，而唔係世衛知道囉。

香港人，始終都係好難長期困在家中，出外走走呼吸下新鮮空氣吧！

　　　

家陣行山實在超多人，長洲既人潮亦唔嘢少，馬灣應該相對會好一點，我估。

海灘旁的Cafe Roma，位置最為優越，午餐價錢一百蚊有找，價錢合理，那便不作他選。

午餐有跟湯或者沙律，是日餐湯為椰菜薯仔忌廉湯，我們都選擇了飲湯。熱度充足，可是味道偏淡口，一般般。

主食分別點了比薩，以及煎魚。前者是夏威夷薄餅，若意大利人見到餐廳供應有菠蘿既薄餅，會否發癲，反轉間餐廳呢? 哈哈~

薄餅是薄如紙、香脆如薯片的版本，芝士火腿菠蘿既組合，於我等港人而言，總是相當穩陣，所以我對呢個出品，無乜投訴。

兩塊鯰魚是即煎出來，上桌時仍是冒煙的，雖不是什麼靚魚，鬼佬做法亦不祈求有驚為天人的味道，然而熱呼呼的食物始終有保証，伴上青黃兩色的意大利青瓜，感覺也更健康。

十年唔逢一潤，忽然想飲杯凍齋啡，隨心而行吧~

對著沙灘悠閒地用餐，心情總是寫意，但也更令人懷念人間天堂的Bondi...

餐廳資料:
Cafe Roma
馬灣珀麗灣沙灘商場1樓7-8號舖
34461226