抗疫便飯

正如一些專家/教授所講，抗疫係一場持久戰，口罩隨時要戴成年，所以筆者既自煮抗疫系列，話唔定慢慢會變成恆常項目，長期同大家分享交流住家菜色。

我唔係未學行先學走既人，唔會係屋企煮些雕龍雕鳳的大菜，簡單美味又易煮就最合適，畢竟也只是低B班水平。

快速的來個蕃茄薯仔牛肉湯，有餸食又濕濕地都好。

呢個湯好簡單，網上也有不同的做法，其實真係無乜所謂，煮到出來好食就得。

          

我既做法，先爆香啲薑同埋蕃茄，至蕃茄開始溶及出茄油，再炒埋啲薯仔，加熱水煮滾。

用什麼牛肉，豐儉由人。我今次就豪一些，在Aeon買來了日本飛驒牛，因此醃也不用醃，省略一重功序。

慢火將蕃茄薯仔煮好後，落埋牛肉滾一陣 (千祈唔好太耐，牛肉老左就嘥晒！)，加鹽調味便成。

此外，睇蘋果日報見佐敦逸東軒譚師傅教整韭菜炒蛋，喜歡香口嘢既我心想，不如又來一味韭菜煎蛋? 用上日本蛋，相信會更香！

譚師傅教路，打蛋後加入少許鹽同糖，因鹽帶咸味，出來味道不配合，應加些少糖去分融鹽味。之後加入已切好的韭菜，煎香兩邊即可。

我呢個係失敗之作，中間唔知點解會咁... 但味道是可以的。