夢幻紫薯西米露

之前在Facebook放過自家煲製的腐竹雞蛋糖水相片，原來勁多人喜歡，私下收到唔少訊息問我製作配方，筆者當然也樂意跟大家分享，反正我也是參考網上食譜去fine tune。

既然各位咁鍾意甜吃，今次就再跟大家分享一個超漂亮、勁呃like的中式糖水紫薯西米露，製作同樣簡易，紫色控請留意~

據聞紫薯的營養價值非常高，適合減肥人士食用，呢層我就無特別去考究。

         

材料又係非常簡單：紫薯、椰漿、西米、冰糖

如在超市找不到椰漿及西米，可去印尼雜貨店找找，我就是在荃灣的印尼雜貨店買的。

先將西米放入大鍋清水煲約十來廿分鐘，見中芯有白點便可熄火，再焗約半個鐘，直至西米變透明狀。

用茜隔去水份，再用開水沖洗。此舉是要避免西米痂埋一舊舊。

主角既紫薯去皮及切粒 (唔使切太靚)，把紫薯粒及放入清水煲約廿分鐘，見紫薯變腍身便可加冰糖。此時，鍋內的顏色會變成深紫色好核突，不用擔心，稍後加埋椰漿就會變番靚。

待冰糖煮溶後，可以放入西米及椰漿 (我落左半罐左右，約200g)，拌勻即可。

吃時，再輕輕放點椰漿上面作點綴，更靚。

這款冷熱佳宜的糖水，個人始終覺得凍食會比較正~