唐宮小聚 - 疫境下的點心

食物：$$$1/2

環境：$$$$

服務：$$$$

疫情全球蔓延，社交聚會要暫時停一停，但兩個人去吃點東西，相信還可以吧？！

探熱、捲起衫袖俾店員確認無戴手帶，再用酒精消毒液搓手，可以入座。店員安排食客隔開枱坐，枱與枱之間也是歷史上從未見過的濶落。

        

非常時期，都係快趣食完快些閃人。率先來的是擔擔麵，這類新派食店當然唔會係正宗的四川擔擔麵，不過麵質唔錯，辣中滲出陣陣麻香，但唔會太過強烈，有少許似昔日囍宴的味道。回想起來，也有可能...

蝦餃個子比較細，所以一籠有五粒。形狀是靚仔，只是澄麵皮偏厚，餡料全是蝦肉，欠缺筍尖，不是我喜歡的版本，而且味比較咸，有空間做得更好。

黑金流沙包確實是非常型格的點心，或許是放久了，搣開已不再流，然而蛋黃香仍濃香。窕熟的包身，結合香甜既甜道，這款東西並不是單靠賣相，滿意。

小熊熊，還以為是叉燒包之類的東西，原來是朱古力包。熊仔外型的確可愛，但吃時要非常小心，因為比起流沙包更加『爆漿』。包身亦軟熟不韌，朱古力漿不太甜，倒是可以的。

最後的小甜豬，係IG見過好幾遍，毫無疑問是呃like的好傢伙，只是... 好睇唔好食。

呢場抗疫戰，到底仲要打幾耐？

餐廳資料:
唐宮小聚
荃灣楊屋道1號荃新天地1期UG層43及81號舖
28080910