天。悠蔬食 - 另一番素食滋味

食物：$$$$

環境：$$$$

服務：$$$$

自去年初開始，食肉獸的筆者，改變了一點點飲食習慣，每月至少食一次素，算是為了健康，也為環保出一分綿力吧~

以往最常到訪那家素菜館，認識我既朋友大概會清楚，不在此再多說。

這天，試了一間有點西式的素食餐廳，以粉紅色為主調，配上熱氣球作點綴，好童話的感覺。

        

午餐會跟上小食及餐湯，有中也有西，就各一吧！中湯是青紅蘿蔔馬蹄雪耳，蠻清甜的；西餐則是南瓜湯，頗濃郁的南瓜味，沒什麼投訴了。

跟中湯的小吃，係薯仔蓮藕，薯仔夠晒腍身，蓮藕爽而不過硬，還有點黑白芝麻的香。西湯就簡單配上法包，勝在香脆，還有些香草的氣息。

兩款主食是分吃的，其中既素鰻魚飯，蒲燒汁做得不俗，配上日本珍珠米，好快可以清掉整盒米飯。素鰻魚以淮山茸打造而成，質感略帶煙韌，像真度算不上很高，但我接受到。旁邊更配上玉子、漬黃蘿蔔和子薑，毫不馬虎。

另一份係墨西哥卷。勁粗壯的卷物，外層帶微脆，裡頭的大啡菇、豆腐及南瓜等，烤得香口，水準相當不錯。旁邊的一小碟鷹咀豆茸，味道實而不華，原來仲有很高的營養價值。

這份墨西哥卷，其實還配上沙律。以紅菜頭、蘋果、青瓜、車厘茄、果仁及藜麥做成的沙律，加入了黑醋，酸酸的又幾開胃好吃，我是難得的清了大半，真心推介。

加十五個大洋可有柚子芝士蛋糕，即管來一件些牙食。芝士味其實稱不上濃郁，柚子氣息卻更薄弱，可取只是有個脆餅底。

午餐有跟上飲品，包括Regular Coffee，但我又好衰唔衰，加錢升級要了杯Latte，結果後悔莫及。

非常時期，敬送南北杏燉雪耳雪梨，讓大家清潤一下，齊齊對抗疫情，乃非常貼心的安排。

講真，好清甜滋潤，絕不欺場~

餐廳資料:

天。悠蔬食

荃灣楊屋道1號荃新天地2期地下G08-11號舖

26361808