食物：$$$$
環境：$$$$
服務：$$$$
永年車仔麵，不論是元朗或尖沙咀，總是無時無刻大排長龍，好難食到，至少我無耐性等。
近日經過沙田新城市，見到呢間香港永年，有別於其他分店，因為是車仔麵
x
茶冰室的概念，食物選擇更多，最重要是當時沒太多人等位。
五分鐘左右，可以入座。以新城市嚟講，是合理既等候時間。但我覺得當多人知道之後，情況肯定不一樣。
來永年當然要食車仔麵，這店新增男神麵和女神麵，前者大概就是牛雜麵，麻甩至上。筆者挑的女神麵，內容包括冬菇、腐皮卷、豬手、蘿蔔等等，最重要是有一塊厚厚的花膠，感覺豐富又矜貴。
冬菇厚身而清鮮，蘿蔔腍身且甜美，豬手皮豐肉多，腐皮卷富層次，焦點的花膠很巨大，口感也不錯。查實，只要是吃車仔麵，便可點這花膠
(每碗只張一件)，十八個大洋而已，影相呃Like都抵番晒。還要一提，記緊問侍者攞秘製辣醬，惹味好多啦！
老友點上了茶冰室的東西，蔥油雞扒煎蛋飯他最感興趣。雞蛋煎至邊位帶脆，蛋黃搖搖晃晃好誘人，破穿蛋黃任由蛋汁滲進米飯之內，兒時美味。雞扒雖很厚身，肉質仍能保持嫩滑，用刀切開雞皮，發出『咔嚓』響聲，配埋大堆蔥油，魅力倍升。
餐牌內有款叫『土炮大茶飯』的甜品，是將兒時的經典零食結集埋一齊，而每樣都可以獨當一面，有如零零漆的達文西所發明既攞你命3000。雞蛋仔與雪糕，冷熱交融的效果就是好，更讚是那球雪糕混入了黑白淡奶，原來會好食咁多。同時，雞蛋仔內還有雞蛋餅、花生酥、龍鬚糖、馬仔及蛋卷等，估唔到撈埋都夾得來。
紫薯奶泡好睇又好飲，樽裝的凍頂烏龍茶適合解膩，我要多左枝拿回家飲。
在某一角，仲見到有些零食，與及西瓜波等經典的東西。
腳痕，想踢番場西瓜波添，約埋C朗和美斯先！
餐廳資料:
香港永年車仔麵茶冰廳
花膠無得輸！
回覆刪除大過我塊面
刪除