花月庭 - 幸會，大富翁

食物：$$$1/2

環境：$$$$

服務：$$$1/2

英國日本夏威夷希臘為主題的自助餐我試過，燕窩龍蝦螃蟹和牛作主打我也嚐過，但以大富翁擔任主角，真是聞所未聞。

很有趣，所以我來了~

    

除了一系列大富翁造型的食物外，整個場地的佈置亦徹合這主題，當中不乏打卡位，可見團隊做事一絲不苟。

相信各位都玩過大富翁呢個經典既遊戲，裡頭是有張『機會卡』，今次既Buffet也一樣，每位食客均獲發一張機會卡抽獎，獎品是精選食物，可能是梅酒冰鎮鮑魚，可以係籠仔蒜蓉蒸蝦，或者和牛荷葉包，甚至是鮑汁鮮菇花膠扒。

席上有朋友拿到和牛荷葉包，而我則好幸運可以嚐到花膠扒，你睇，真係好大塊，充滿膠質的。

講番其他食物，凍海鮮是恆常的項目，即開生蠔固然是搶手貨，其他的如翡翠螺、蟹腳、凍蝦及小龍蝦等，一應俱全。

仲有一樣東西我覺得是不容錯失的，正是海南雞飯。皮爽肉嫩的海南雞，配以甘香的油飯，再自行加入三色醬，每次也至少來一小碗。

見朋友攞左碗喇沙回來，又貪心試了一口，湯底做得合格，已是吃喇沙的關鍵。

此時，傳來叮叮聲響，又是表演項目，火焰雪山。只是，我見太多人排隊，而且又想留肚食大富翁系列的甜點，唯有放棄。

甜品很精緻，印有大富翁頭像的包子，其實是奶皇包，小小的一個，份量剛好，記緊要趁熱食。

另外，還有大富翁棋盤的檸檬蛋糕，鬍子形狀的竹炭芝麻曲奇，『$500』既熱情果芒果芝士慕絲蛋糕，同埋像大富翁棋子的朱古力歌劇院蛋糕等等。

我諗，大人小朋友遇上這主題的自助餐，都會開心～

餐廳資料：
花月庭
旺角太子道西193號帝京酒店2樓
26226154