食物：$$$$
環境：$$$$
服務：$$$$
講起夢，又會好老土咁諗起周星馳既經典對白：『做人如果無夢想，同條咸魚無分別』。
追求自由民主，相信是大部份真香港人的夢想，大家要繼續努力。
另外，有些人的夢想，會比較容易實現，同埋來得實際，譬如是為客人炮製一碗美味的丼飯。
這夜，跟幾位朋友來到西環新開業不久的夢之丼，包左佢間貴賓房，齊齊大快朵頤。
點了一大堆美食，先由幾款小食介紹起。雙色蟹籽沙律，勝在清新醒胃，脆卜卜的蟹籽，有助豐富層次感。
蟹皇蟹羔醬燒豆腐，是我首次嚐到的小吃。甘香邪惡的蟹羔醬與豆腐結合，是可以想像到的美味，一粒有點不夠喉。
接著吃的蒲燒鰻魚，厚肉又有彈性，沒有很多細骨，味道偏甜。
串燒也來得有驚喜，如燒白鳝，香口彈牙。燒牛舌的口感同樣爽脆。阿波美雞翼固然是好東西，個子蠻大，燒至皮香脆，肉質結實有彈性，難怪有人話一隻唔夠。
再來就是丼飯了，幾碗大家些牙食。海鮮丼之前，食肉獸既我先試鵝肝牛丼。採用安格斯牛，火侯控制還好，沒有過韌，加埋蒜片好惹味。鵝肝好大塊，且厚身，外脆內嫩，入口融化，甘香非常，邪惡但我無法抗拒。
海皇丼，顧名思義就是海鮮大雜薈，新鮮足料自然好吃。重點始終是原板北海道海膽丼，每天限定十個，好彩醒目的朋友仔預留了一碗。好豐富的材料，加入乾冰，以前大家會叫做仙氣效果，今時今日會聯想起催淚彈的場面。Anyway，原板鮮美的海膽之餘，又甜蝦又拖羅蓉，仲有爆脆的三文魚子，滿足程度爆燈。
生怕吃不飽，又點來幾伴壽司，嚐到了肥美的右口魚邊，配合赤醋飯，都可以。
甜點的大福，竟是焦糖咖啡的口味，有趣。另再吃一球清新的柚子雪葩，甜胃也大表滿足。
體驗過這夢幻之味後，祝願大家也能夢想成真～
餐廳資料:
呢餐我全部都好鬼想食呀，仲要餓餓地，典算！
回覆刪除唔好餓親呀!
刪除