紅樓 - 7788第一回

食物：$$$1/2

環境：$$$$

服務：$$$$

轉眼間，又是7788生日局，第一回，我哋去蘭桂芳食中菜。

事前完全沒做功課，收到搞手傳來的餐廳名及地址，乖乖依時出席便是。

當然，是鬼佬中菜格局。再睇下餐牌，點解咁似某集團既風格呢？

叉燒首先出場，跟上次我們在IFC的舍的出品，賣相一模一樣。再向店員求証下，果然是屬同一集團。

       

叉燒很腍身，蜜味重，雖冇乜肉香，但已比舍的好吃。

紅樓與舍的區別，是這裡晚市亦有點心供應，所以我們都點上了幾籠。香檳蝦餃賣相好高貴，澄麵皮不厚，亦不黏牙，但全是蝦肉的餡，真不是我所追求的出品，話我Cheap都無計。

相比之下，豚肉燒賣就顯得平實，還有點兒似街邊的魚肉光賣，味道卻是不差的。

壽星女係咕嚕肉迷，有她在就有咕嚕肉，今次都唔例外。同樣地，擺盤跟舍的同出一轍，唯豬肉是切得較大粒，吃起來更有彈牙的口感，酸甜汁醬平衡得好，亦不會過多過杰，唔是頂級，至少比舍好。

片皮鴨就來得遜色，鴨肉稍乾，鴨片唔脆，鴨醬太咸，有改善空間。

甜點的太極馬拉糕，勝了外表，卻敗在質感與味道，唔得鬆軟，也不夠香，只屬打卡呃like之點心。

最後，多謝大家我們準備的"大蘿柚"。包身軟熟，餡料香甜細滑，仲有蛋黃，好岩口胃。

期待7788第二回～

餐廳資料:
紅樓
中環蘭桂坊德己立街32號加州大廈23樓
23442366