重慶老巷 - 一肚氣

食物：$$$1/2

環境：$$$1/2

服務：$

心情唔好，運氣就會差，容易遇上衰人。

很喜歡大角咀的佳佳粉麵店，以前在附近返工，久唔久會去吃碗車仔麵，酸齋、雞腎和豬腸，是我的至愛。只是，這店人氣實在旺盛，很多時候會爆場，包括這天。

很餓，不等了，看見隔壁有間重慶老巷，門面幾吸引，便推門進去。

    

格局跟長沙灣的雲南老巷很相似，未知是否由同一主理人開設。本人對雲南老巷的印象正面，因而對這裡也有了點期望。

店子有供應重慶酸辣粉，亦有酸辣公仔麵，我一直認為公仔麵索了那紅湯，應該更美味，所以便選了公仔麵。

湯頭對勁，酸辣俱備，且味型是頗正宗的。淥得爽身的公仔麵，浸在紅湯內，自然味美。紅湯內更有小量邪惡的豬油渣，去得好盡。

酸辣公仔麵來得對辦，即管多叫兩串串燒。向店員說要串牛舌，以及豆干，換來是台員兇狠的眼神，之後就是：一、兩串我哋唔開爐燒架！做你少少生意點開爐呀，Babababa....

明明，佢既午市套餐，係酸辣粉配串燒，加飲品的～

火都滾埋，飲埋枝大可樂都唔夠下火。

酸辣粉＋串燒＋飲品的午餐才三十八蚊，家陣佢敢膽收我四十七個大洋？？？

餐廳資料:

重慶老巷

大角咀福全街12-16號福全大廈地舖

28823343