紅軒 - 共享天邊美食

食物：$$$$
環境：$$$$
服務：$$$$

「空中飛人」朋友短暫留港，為遷就佢，是次飯局定在機場。

似曾相識的情景，話說十多年前，有領導在港轉機，老闆為佢設宴，正正是在機場富豪酒店的紅軒。

上次係應酬飯局，今回是朋友約會，依家當然吃得更舒適自在。

廢話小講，單刀直入講嘢食。先來四小碟，款款都是我喜綠的食物。叉燒用上黑毛豬，鬆化而邊邊位帶點脂香，烤夫從來是我喜歡的上海小吃，海蜇花做得爽脆，紅油抄手是偏廣東式的做法，然而味道都幾好。

朋友成日飛，湯水比較小，所以是晚餐單上也加入了湯品，係虎茸菌螺頭燉雞，清甜到一個點，我也喝得一滴不剩。

接住嚟既呢味，是要手刀叉食的濃汁原件花膠，幾厚身，口感唔錯，結合濃郁的汁醬，滋補養顏，女士們應該超中意。

麒麟蒸斑球是我喜歡的做法，魚皮膠質豐富，魚肉結實，配上的金華火腿和冬菇，亦令整件事生色不少。

開始有點涼意，大家即追加個雙冬羊腩煲。滾呀滾，連皮帶伕的羊腩沾上腐乳最合心，再吃件冬菇冬筍跟淮山，食完好暖身。

單尾就來個腊味糯米飯，口感好又入味，酒店出品要更矜貴，加入了櫻花蝦，好吃。

熊貓最近大行其道，酒店甜品也特意炮製造型，包括熊貓黑白奶凍，與及糯米糍，兩樣都好可愛，尤其是是前者，有點不忍切開咁得意既趴地熊貓。

嘢食總體唔錯，環境更加寧靜舒服，不失為開餐的好地方。

餐廳資料:
紅軒
赤鱲角暢達路9號富豪機場酒店1樓
22866868