2019年2月20日 星期三

Pivo Czech Bar - 隨心



食物:$$$1/2
環境:$$$$
服務:$$$1/2

數不出多少年沒入戲院看電影 (大概是Openrice再不送戲票時吧!),據聞九龍站上蓋的The Grand Cinema快將結束,把握時間來睇番場戲,呢個戲院係我真心覺得正的。

三點十五分場次,可以悠悠然歎個豐富的lunch才入場,時間岩岩好。

事前沒做功課,在商場的平台花園隨心找間餐廳就好。餐廳說是主打捷克菜,但中午吃的都是煎魚、燒雞及Pasta之類,或者晚市Menu才較有地方色彩。
   

午市價錢全在一百五十之內,有齊前菜主食甜品及飲品,比官塘的工廈食肆更加便宜。


前菜可選沙律或者湯,我倆均選擇了食沙律。青木瓜、各式菜蔬、車厘茄和Feta Cheese等堆起一碟。因有Feta Cheese在陣,令整碟沙律變得無咁寡,青木瓜的微辣也刺激了味蕾,很容易便可清碟。


主菜我要了燒春雞,雞髀位有夠嫩滑,而且入味,即便是雞胸的位置,亦唔會嚡烚烚,已經收貨了。磨菇、烤椰菜以及法邊豆,被我吃至一條不剩。


對方的是焗鯛魚,外層塗上了麵包糠去焗,有點硬。魚肉亦沒想像中的滑溜,反而墊底的薯茸更細滑吸引。


簡簡單單的意式奶凍,勝在不太甜,感覺清新。


細味一杯『飛沙走奶』的咖啡後,係時候入場了......


餐廳資料:
Pivo Czech Bar

5 則留言: