食物:$$$1/2
環境:$$$$
服務:$$$1/2
數不出多少年沒入戲院看電影
(大概是Openrice再不送戲票時吧!),據聞九龍站上蓋的The
Grand Cinema快將結束,把握時間來睇番場戲,呢個戲院係我真心覺得正的。
三點十五分場次,可以悠悠然歎個豐富的lunch才入場,時間岩岩好。
事前沒做功課,在商場的平台花園隨心找間餐廳就好。餐廳說是主打捷克菜,但中午吃的都是煎魚、燒雞及Pasta之類,或者晚市Menu才較有地方色彩。
午市價錢全在一百五十之內,有齊前菜主食甜品及飲品,比官塘的工廈食肆更加便宜。
前菜可選沙律或者湯,我倆均選擇了食沙律。青木瓜、各式菜蔬、車厘茄和Feta
Cheese等堆起一碟。因有Feta
Cheese在陣,令整碟沙律變得無咁寡,青木瓜的微辣也刺激了味蕾,很容易便可清碟。
主菜我要了燒春雞,雞髀位有夠嫩滑,而且入味,即便是雞胸的位置,亦唔會嚡烚烚,已經收貨了。磨菇、烤椰菜以及法邊豆,被我吃至一條不剩。
對方的是焗鯛魚,外層塗上了麵包糠去焗,有點硬。魚肉亦沒想像中的滑溜,反而墊底的薯茸更細滑吸引。
簡簡單單的意式奶凍,勝在不太甜,感覺清新。
細味一杯『飛沙走奶』的咖啡後,係時候入場了......
餐廳資料:
Pivo Czech Bar
以價錢計,再加上地點,真係唔算貴!咁睇咗咩戲呀?
回覆刪除Alita
刪除原來係捷克菜?雖然唔覺好似,但幾平環境又舒服,都OK wor
回覆刪除收貨啦
刪除薯茸見到都想食!
回覆刪除