食物：$$$1/2
環境：$$$$
服務：$$$$
去年十二月，走到去屯門搵食，吃了一客鮮味大爆發的日本海膽，至今念念不忘，那間餐廳，是當時剛開業的鮨千壽。
短短一年時間，鮨千壽已開到第三家分店，而該集團在這個年頭更開設了西日式Cafe及越南菜等多間分店，發展速度驚人。
天氣大好的星期天，放棄了做運動，捉埋朋友出尖沙咀，買嘢兼食好西。
壽司刺身自然走唔甩，有理無理，先來盆特上刺身盛合，陣容鼎盛。鯛魚沾上酸汁，清新的好開始；Ikura加點點醬汁，引出強烈鮮味；帶子及海膽等都是新鮮好東西。
選了兩個丼飯，大家分甘同味。四色吞拿魚飯，就是赤身、中腹肉，以及肥美到一個點的大拖羅，加埋吞拿魚蓉。飯底本身做得好，撈埋魚蓉自然美味。有人喜歡爽口味濃的赤身，有人鍾情入口溶化的大拖羅，咸魚青菜，各有所愛，沒有對與錯。
另一款係以蟹作主的丼，蟹肉、蟹羔及蟹籽各有所長，撈埋個飯，咸鮮十足，蟹籽更豐富了口感，唔錯。
壽司只吃一款，當然要食就食最好的，火灸日本黑毛和牛壽司。飯糰握得還好，主角的和牛經火灸過，更具香氣，且肉味比想像中更濃郁。
紫菜包裹住的，係海膽。外脆內柔軟，鮮味爆發，一粒似乎唔多夠喉。
看見漲卜卜的雞翼，就知不是普通燒雞翼咁簡單，而是釀入了鵝肝在內。燒得不會太乾，外脆肉嫩，還有鵝肝的甘香，輕易俘虜我的心。
之後的清酒煮蜆，每隻蜆均是飽滿，唯湯底有少許咸。此刻既我實在太飽，只能淺嚐兩隻便收手。
不管柚子雪葩，抑或係白桃雪葩，皆清新可喜，個人會比較欣賞白桃多一點點。
食飽飽，回家午睡一會，真爽皮！
餐廳資料:
勁想試鵝肝雞翼呀！你就好啦，食完仲可以瞓個靚覺。
回覆刪除做豬既日子真不錯，哈哈哈～
刪除四色吞拿魚飯真的很不俗！
回覆刪除係呀！
刪除