Pierside - 和牛之約

食物：$$$1/2

環境：$$$$

服務：$$$$

晚市三百幾蚊既西餐，好多時工廈Cafe或者不知名的樓上西餐廳都唔止呢個價，更遑論是尖沙咀酒店的Outlet。

不過，凡事總有例外，只有你不怕碰壁，肯細心去搵。

素來抵食見稱的Pierside，今期新出的菜單，『和牛之約』，繼續以不可思議的便宜價錢推出。

   

叫得做和牛之約，頭盤與主菜全是澳洲和牛的菜色，牛魔王朋友們大有可能會選擇困難症發作。

頭盤有鮮牛肉他他與牛肉湯之選，胃納細小既我，生怕飲完湯便已飽飽，所以挑了前者。鵪鶉蛋撈埋鮮味的牛肉他他，質感更細滑，將之塗上香脆的多士同吃，滋味無窮。

任何人都知道，食牛扒，係配紅酒好，不妨喝些少。

主菜五選一，是夜我哋五大一小，剛好可試勻全部款式，實在太感動了！用和牛尾作餡料的意式雲吞，香濃之餘，亦帶微辣，不論賣相與味道，均與中式的紅油抄手有幾分相似，有趣！

貌不驚人的和牛面頰，用刀一切便感受到其軟腍程度，而且肉味非常濃郁，的確，牛不可以貌相。

威靈頓牛吃不少，但以牛脷來做卻是首次見識，我是熱切期待。

酥皮無疑是酥脆，牛脷入口軟腍，但同時釀入鵝肝醬和巴馬火腿，來得比較重口味。

論邪惡，呢個和牛腹肉漢堡真唔講得笑。勁濃味的芝士附在牛腹肉之上、仲有煎蛋以及煙肉，好有打大佬既感覺。採用和牛腹肉，質地始終比較實，同埋無咁多肉汁，但肉味就夠晒，睇你個人口味了。

放在鹽板之上的和牛肩扒，做到我們要求的生熟程度，外層香而肉質不韌。在數款主菜之中，我會投佢一票。

套餐的甜品係香芒意大利芝士酥皮卷配薄荷朱古力雪糕。有小朋友在席，就要埋個甜品森林開心下。朱古力樹頭蛋糕，小白兔造型的慕思蛋糕，士多啤梨花花，同埋合桃雪糕等，最重要加埋大大舊既棉花糖，浮誇～

似木頭似石頭的話，得到注意嗎？

餐廳資料:
Pierside
尖沙咀廣東道33號中港城皇家太平洋酒店海景翼大堂高座
27382398