潤潤麵 - 仍是漢發支持者

食物：$$$
環境：$$$1/2
服務：$$$$

提起豬潤麵，許多人第一時間會說出維記，而我則鍾情於同區的漢發。

去年，已有朋友向我推薦佐敦的潤潤麵，成了我口袋內的名單，只是拖了一年仍找不到時機去吃。

終於，有天要到佐敦辦事，機會嚟喇飛雲！
 

午市，其實有飯供應，但一場來到，都係要碗豬潤鮮牛麵。

點了麵，還可揀湯底，鮮茄薯仔湯似乎幾吸引。呷一口湯，味道酸甜得有點假，還好未致於咯喉，頂多是勉強合格。

很自然地與漢發相比，豬潤沒漢發的厚身 (查實都唔薄既)，有欠爽脆口感，而且是偏韌的，鮮牛肉亦然，是煮得過熟了。反而，公仔麵又弄得太腍，總之跟我預期的，就是有出入。

杯熱奶茶被我影到鬆郁矇，激死！

水準唔算高，而我對這類地方的奶茶亦唔會有咩大期望，所以無乜失望。

餐廳資料:
潤潤麵
佐敦廟街306號地下D號舖
37053635