憶食尚臘味煲仔飯 - 涼涼地，食腊味

食物：$$$1/2

環境：$$$$

服務：$$$$

我同好多朋友一樣，天氣涼涼地，就想食腊味，同埋世上最殘仁既飯，煲仔飯。

諗番讀書嗰時，氣溫一降，必會走去老廟或者坤記食煲仔飯，陣陣炭火香，加罐紅罐可樂，吹水吹到天南地北，已是無以尚之的享受。

年紀大了，甚少再踏足老廟，坤記也有好幾年沒去過，未知水準能否Keep得住？

   

有人吹雞，話去間腊味煲仔飯專門店，叫憶食尚，又即管試下，忽然間掛左個勇字上心口。

除了腊味和煲仔飯外，仲有些麵食，同埋小菜，大家可以試多幾款。

特色腊味煲仔飯固然是必點，腊腸帶脂香，唔怕硬轟轟，腊肉亦然。腊鴨唔夠分，我沒有吃，但各人的評語頗為正面，應該都唔會衰得去邊，除非大家夾埋來昆我啦！米飯也合格，特別是脆卜卜的飯焦，混埋自家制之醬油，可口。

猶記得當年在中資公司工作，每逢過農曆年都會收到四川腊腸和腊肉，那股風味迄今難忘。見呢度有川味腊腸，誓要回味下。帶點花椒香氣的腊腸，可連同蒜片一起吃，蠻合襯的。

以本地土豬做的白肉，看似好肥，但吃起來不會一口是油，沾上汁醬，好有風味。

各式腊味唔差，但我更欣賞這兒的麵食，自家制的空心麵。細心去睇，中間的確是空心，沒有騙人。麵質十分爽口，加入瑤柱XO醬，做成撈麵，好有驚喜，頂頭的鮑魚仔慘淪為配角，被大家投閒置散。

既然呢個空心麵咁正斗，就整多個煎的版本，伴以像錦鹵雲吞的酸甜汁醬，挺有水準。

食埋碗糖水，咁至夠圓滿！

剛才吃的什麼腊腸腊肉、空心麵，甚至整份煲仔飯，都有得一包包賣的，有趣！

餐廳資料:

憶食尚

佐敦文匯街22-24號地下2-4號舖

35909933