山西印象 - 一次過

食物：$$$

環境：$$$

服務：$$$

另一個拖著疲憊身驅回家的晚上，沒想過要吃什麼，以填飽肚子為大前題，見到有間山西麵店，那就食碗麵。

話時話，住左荃灣咁耐，久唔久都會經過呢度，為何我對此麵店從沒有印象？是新開業的嗎？

甫進店，聽見幾枱客人和店員都是講『煲冬瓜』的，現在的我，愈來愈覺得自己是少數的異類。

    

店子固然有麵食，另外還有唔少麻辣菜色，但無理由一支公整條水煮魚毒食咁浪漫卦，即使要浪漫都會食豆腐火腩飯喇，是但點碗麵好了。

點的是紅燒肉手工麵，紅燒肉的份量尚且不少，可惜，多半都是又韌又嚡口，只有少數肥的部位較可取，唔對辦。

煙煙韌韌的手擀麵，口感可以，但稱不上驚為天人，當然我沒有天真地覺得這麵會好食到飛天。

由於紅燒肉太嚡，無啖好食，再要份小食涼拌木耳來送麵。辣勁不強，但酸精的酸味很烈，十分嗆喉，我接受唔到。

好又一餐，唔好又一餐，我這樣安慰自己。

餐廳資料:

山西印象

荃灣鱟地坊80-84號華成樓B座地下B1號舖