Supergiant - 強勁版本早午餐

食物：$$$$

環境：$$$$

服務：$$$$

是咁的，Mira Moon筆者到訪過很多遍，午餐晚飯食過，下午茶都歎過，卻從來不知道這兒有供應Brunch。到底是新推出，抑或是根本一直存在呢？

既然設有早午餐，而且價錢仲要咁鬼低，一於找個星期天，瞓到安樂醒，捉埋幾位朋友來天南地北，放縱一下。

來吧三粒鐘放縱，來吧不羈放縱......

    

頭盤與生品放在外面，要食請自便。由於此Brunch是加強版，主食七款也是任點任吃，未免太划算。

搶手項目固然是凍海鮮，開邊波士頓龍蝦肉嫩味鮮，龍蝦鉗尤其出色，味道鮮甜。其他還有基本的凍蝦，與及蟹腳。

唔知大家喜唔喜歡芝士，我就是大愛，各式芝士有軟有硬，有濃有淡，芝迷表示滿足。再吃些少煙三文魚和Cold Cut，可以準備吃主食了。

始終這裡是西班牙餐廳，主食自當不可錯過西班牙烤豬，皮脆肉嫩乃預期之內，水準沒有因任吃而走樣。

脆炸西班牙有兩種口味，分別是火腿與龍蝦餡，每樣來幾粒，大家分吃便是。正義之士如我，發現煎鴨肝既存在，豈能不將之消滅？鴨肝口感一如預料的理想，廚子以荔皮啫喱和甜薑片去中和油膩感，靈感IQ稱得上十分之高超。

將台灣刈包改良，餡料變成香脆的豬腩仔，其包身是很軟熟，經18小時慢煮的腩肉，皮脆得卜卜有聲，肉質也咸香嫩滑，來得有水準。

太飽沒吃班尼特蛋，但友人就大讚非常可口，不過佢是蛋癮。

吃罷主食，飽到上心口，但甜品總要食。以健康的乳酪醒一醒胃，可以繼續。

再嚐幾口甜甜地的麵包、冬甩與杯子蛋糕，同埋各式水果，歎多杯咖啡，又是晚餐也不用吃的一天。

餐廳資料:
Supergiant
銅鑼灣謝斐道388號問月酒店3樓
26438875