Sonatina - 價錢親民自助餐

食物：$$$

環境：$$$1/2

服務：$$$1/2

三五朋友約食飯，吃自助餐是不錯的方案，尤其有些人會遲收工的，唔使等來等去，邊食邊等唔拘謹。

今約食既呢間，最大賣點是價錢相宜，二字頭有交易，小童和長者更有優惠，在銅鑼灣區，真係無咩可以投訴。

   

當然，咁既價錢，食物款式唔期望太豐富，至少基本嘢食係有齊俾你。一開波先進攻凍海鮮，雖然沒有即開生蠔，不過就有蟹腳和麵包蟹補數，而且後者幾多羔，另外還有蝦、蜆、青口及小龍蝦等，算交足功課。

對沙律無甚興趣，轉身去日式檔口，拿點壽司與刺身回來跟大家分享更好。

想不到咁既價位，每位客人還會奉上一隻鮑魚，用刀叉吃，應該乎合大家預期。

生冷嘢之後，見有幾款鹵水，頗有興趣，正義既我固然愛吃豬腸，其實鴨舌做得更好，軟滑入味。

找到有點心供應，不過只限一款，就是蝦餃，吃一、兩粒也無妨。

熱葷之中，最吸引我的，絕對就是東坡肉，單睇賣相都知唔差得去邊，夠肥，夠入味，好！

愛吃香口和刺激嘢既朋友，呢度仲有韓式泡菜煎餅，炒年糕，以及炸蝦、雞塊等，以迎合大家口味，水準查實都可以的。

是晚胃口麻麻，燒牛肉也沒有吃。再過粉麵檔，喇沙乃是這裡的皇牌，幾乎人人一碗。

砂鍋雲吞雞，以及潮式蠔他粥，個人較喜歡後者，真有不少蠔仔肉在內的。

甜品環節，見到有葡撻食，沒有錯過，不過質素未見驚喜。各式蛋糕，最喜愛是朱古力蛋糕，起碼做得濃郁。仲有，木糠布甸其實都不錯。

除雪糕之外，呢度既雪條真係令童年回憶番晒嚟，藍鐵神、喞喞冰，大家吃過沒有？

自行沖番杯熱檸檬茶，消消滯，是有必要的。

餐廳資料:
Sonatina
銅鑼灣摩頓台7號香港珀麗尚品酒店1樓
31638888