食物：$$$1/2
環境：$$$$
服務：$$$$
對於每天營營役役，生活壓力迫人的香港人而言，＂禪＂，實在太高深莫測，咱們哪有時間心情去放空一切？
要長年累月放下生活瑣碎，拋開心中牽絆，我自問無咁既道行。然而，留一個晚上，與食友們吃一頓禪味盛宴，還是可以afford到。
有點要事，遲了到埗，甫坐下，桌上已散發陣陣幽香。原來凡惠顧禪宴的食客，均可即席感受Bodhi的香薰體驗，好療癒呢！
等齊人後，禪宴正式開動，以如詩如畫、譬如四季的冷盤作開端。爽脆的蓮藕片加入梅子粉，份外酸甜有層次。陳醋烤夫特別在帶微微脆口，爽口健脾的山藥，注入了洛神花原素，更為醒胃。最後，仲有精緻的冰鎮山葵茄子。
是晚湯品，乃清燉茶樹菇山藥茶，店家將之命為根塵，太淵博。我等凡夫俗子，只懂以足料、清甜，去形容此味湯水。
全素當然會更禪，不過為顧及一眾肉食的港人，此套餐也有肉類版本
(固然有素版本)。鬆化入味的牛肋肉，筋膜位置更誘人，而且還滲出燻香，我表示欣賞。在旁的紅蘿蔔，清甜軟腍，同屬高水準。
再來的一道菜，盎然，係豆腐底再混入菜苗汁，與及南瓜汁，面頭再鋪上一件星斑。星斑固然可口，墊底的豆腐其實仲鮮甜精彩。
以上各款佳餚還會配上茶，既有花茶，又有陳年普洱，令禪意提升至另一層次。
之後的煎釀三鮮，有幾分似街頭的煎釀三寶，但餡就是以素蝦膠混入各式菇菌造成，味道不遜，唯獨是三色椒可以做得再軟腍一些。
接下來的葡萄汁浸鮮百合蓮子五穀蓮藕，個人覺得似是蜜汁火方的素食版本，你明白我講咩嗎？
羊肚菌三色藜麥炒飯，健康得嚟又不失美味。
最後，以充滿仙氣的甜品作總結。不論是棗皇糕、懷舊的菲林筒、黑糖蜂巢糕，抑或是燕窩楊枝甘露，均非常美味，絕對令人滿意。
餐廳資料:
帝京軒
我第一次見素食fine dining 咋！
回覆刪除佢都唔算好fine既~
刪除麻煩你攪到遲了到埗！
回覆刪除唔係最遲嗰個就得啦 XDD
刪除