Triple O's by White Spot - 今非昔比三條O

食物：$$$

環境：$$$1/2

服務：$$$$

十多年前，楓葉國的Triple O's 初登香江之時，我曾一度認為佢係全港最出色的漢堡包連鎖店。

那時，仍在灣仔打拼，久唔久去海港中心的分店歎個Juicy的漢堡，已是很好的享受。

後來，食多幾次，只覺得這品牌的水準在不斷下滑，而且價錢從不親民，所以我也無奈地漸漸疏遠。

　　　

近期，佢竟然係荃新天地開設分店，某天在唔知食乜好既情況下，再次與這三條O結緣。

吃了個最基本的原味牛肉漢堡，轉餐，盛惠七十九個大洋，這已是全場最便宜的一個餐。想食好少少，就要過百。

牛肉味道有欠濃郁，起碼唔怕乾巴巴，蕃茄與生菜算新鮮，但總覺得不及全盛期的從前。

一如以往用上粗薯條，薯仔味出眾，收得咁既價錢，俾番呢個質素既嘢我，正常。

一時失策，忘記了要奶昔，喝著杯汽水機出的可樂，自作自受。

其實呢個品牌，在楓葉國係咪好受歡迎？

餐廳資料:

Triple O's by White Spot

荃灣楊屋道1號荃新天地一期1樓116號舖

28869310