貓山旺 - 飄來榴槤之香

食物：$$$$

環境：N/A

服務：$$$$

真正認識我的朋友都知道，我最喜歡去星馬旅遊，胡椒蟹、肉骨茶、喇沙與海南雞飯，統統討我歡心。

仲有一樣唔少得既，就係榴槤。那香甜味兒飄飄，我會為它倒與顛；香甜味兒薰薰，春心醉又軟。

不過，都唔係下下話去星馬，就去到星馬架，要時間同埋金錢架嘛～

   

人在香港時，榴槤癮都會起，好在有朋友介紹左貓山旺俾我。

看似是短期租約的舖位（當然了，榴槤有分季節的啦～），賣的只是兩款榴槤，（紅蝦和貓山王）及一些榴槤的製物，如榴槤乾、榴槤雪糕等，相當專注。

一係唔食，一食就要食好的，這是我的宗旨。所以，請店員幫我挑個靚既貓山王，拿回家慢慢品嚐。

放入口，猶如一粒榴槤炸彈在我咀裡爆發，the feelings so strong, were lasting for so long...

那回甘的味道，餘韻長留在我口腔之中，令人太過著迷。

店子有榴槤雪糕，我又點忍得住口呢，雖然味道唔算勁濃郁，但天時暑熱，吃到一球冰凍，淡淡榴槤香的雪糕，又係好爽既！

最衰7月2號我茅時間，否則一定去佢既2小時榴槤放題，食到呵氣如蘭為止。

店舖資料:

貓山旺

灣仔道150號明豐大廈地下A2舖