食物：$$$
環境：$$$1/2
服務：$$$
世界盃期間，每逢有喜歡的球隊出戰，我都會採取睇波大過天，其他嘢行埋一邊的態度。
所以，晚餐多了在屋企附近食，吃完即刻爬番上樓睇波。
屋苑商場的食肆，大型連鎖店居多，意葡點是異數，可以攞出嚟講下。
以為意葡點是吃正宗意大利菜和葡國菜的地方？朋友，你未免太天真了，呢個屋苑無咁高檔。說穿了，這只是一間港式西餐廳。
點餐後，送上餐湯，都說過我對忌廉粟米湯一向有好感。跟湯的還不是普通的餐包或者蒜茸包，而是迷你牛角酥，可惜咬落去是凍冰冰，本來很有誠意的感覺，完全被毀滅了，簡單加熱一下不可以嗎？
老豆點了個香煎豬扒拼法蘭克腸，跟薯菜。法蘭克福腸正是大家認知的熱狗腸，唔期望有咩特別，所以我直頭無試。豬扒煎得好乾，用刀切時已感覺到會好韌，吃起來也就是如此。
卡邦尼意粉，份量很多，煙肉成份也不少，就是欠缺了蛋黃香，無左靈魂。
飲埋杯熱檸茶，又夠鐘開波了。
打左一輪，似乎無乜邊隊特別有霸氣，大家點睇？
餐廳資料：
意葡點
父子飯後一齊睇波?
回覆刪除似係，都幾溫馨丫！食咩都其次了～
刪除我知我要行埋一邊！
回覆刪除去去去去去...
刪除