食物：$$$
環境：$$$
服務：$$$
荃灣近千色店的The Spaghetti House，屹立左超過廿年，月前竟然守唔住。係佢拆嘢期間，我在想，究竟會係邊間接手？又是大集團嗎？
謎底終於解開，是亞萊嘜嘜，據聞在元朗是人氣店，上網搜查下又係幾多讚，但我未聽過佢既大名。
咁近我，大把機會食，第一次先小試牛刀，去吃個Lunch，會比較穩陣。
瞄一瞄餐牌，晚市唔算特別便宜，不過中午就真係抵到無朋友，大部份炒粉麵飯只賣四十四塊錢，唔須要加一，還有熱飲送。
各自點一客主食，再加份小食大家分享。是炸魚餅拼蝦餅，魚餅不過不失，至少夠熱，後者口感起碼彈牙。每人半件，小食多滋味。
我的主食係無骨海南雞飯，可加十蚊轉髀位，但我沒有。油飯香氣普通，口感煙煙韌韌，有點像椰汁糯米飯的那一類。雞肉雖不是髀位，好在仍沒有韌，更喜歡配料的漬青瓜與蘿蔔，清得一條不剩。
嚐了點黃咖喱魚柳，咖喱汁不辣，而是滲出點點甜味。魚塊有好多件，無雪味我覺得已可接受。
跟餐的飲品，熱檸蜜亦無須加錢，均真。
有時間再來食晚餐，見其真章。
餐廳資料:
亞萊嘜嘜
呢間係抵食夾大件的！
回覆刪除同意
刪除荃灣店好似比元朗店靚好多呢
回覆刪除始終新開
刪除睇落好似咖哩魚吸引啲！
回覆刪除都係
刪除