以前在火炭返工，耐唔使都會與同事去大埔街市食午餐，驅車過去其實挺快趣的。
講下講下，又三年時間，呢三年已甚少在大埔搵食。是日有點空檔，抽起條筋，想入大埔食下嘢，坐言起行。
沒有那一檔是特別渴望要吃的，只想吃件西多士，於是決定，先整碗魚蛋粉，再以西多作結。
魚蛋粉選了去新樂園吃，隨便挑的一間。有人點魚蛋粉，我就要牛丸河，配料大家開心些牙，比雙拼來得更有經濟效益。
魚蛋和魚片總算有點鮮味，魚片頭的口感當然更佳，牛丸起碼唔怕死實實，幼身河粉幾滑，還搭一件炸魚皮，不再挑剔太多了。
炒貴勺令我想起數月前，會展茶記「乜你碟貴勺係辣」既笑話。無獨有偶，我呢碟貴勺都係辣既，可惜只辣而不香，可以更好的。
之後，走過李記食西多士。幸好早點到來，行慢一步人家已經落場。
二話不說先來兩份西多士，一份要煉奶，另一份要糖漿。麵包是烘得鬆軟，說實在不論煉奶抑或糖漿，都是邪惡啦，但個人會較喜歡配煉奶，感覺上甜度來得比較舒服。
熱奶茶都幾好，茶味濃郁，夠香夠滑，滿意。
一杯奶茶與一份西多，簡簡單單便便宜宜，從來已是我的Comfort Food~
餐廳資料:
新樂園魚蛋麵餐廳
呢餐全部食物我都like呀！查實都好耐無食西多lu!
回覆刪除呢類食物其實好多人都喜歡
刪除西多啊~
回覆刪除哈哈哈~
刪除