滿載笑聲聖誕夜

回一回帶，講番聖誕節的幾天假期，唔知大家有咩節目呢？

出左埠旅行，玩盡日韓星馬泰？同朋友開Party大吃大喝？返教會唱聖詩？還是宅在家煲劇？

廿四號的子夜彌撒我定必參與，聖誕當日我都去左朋友度開爬地，說過無數遍，聖誕是我全年最喜歡的節日，可惜轉眼已經過左。

今年屋主大顯身手，炮製美食，加上大家的「外來物資」，又是一個飽得捧著肚子離開的晚上。

    

開Party要有菠蘿腸仔，不過我哋就寧舍講究，原個新鮮菠蘿自已開，加埋各式各樣的靚腸，令菠蘿腸仔迷大感滿足。自家沙律，蔬菜固然新鮮，仲有大量的車厘茄及粟米粒，加埋日式胡麻醬真好味。醃三文魚是從楓葉國運來，還有外賣的壽司與豬手，最最最不得了是主人家弄的斧頭扒，火侯控制恰到好處，肉質鬆化，岩晒我呢個食肉獸。

甜品有三件La Famille的蛋糕，分別是日本柚子、玫瑰，以及抹茶口味。抹茶依然是排榜末，個人最喜歡是日本柚子，感覺清新。另外，有人帶了超大個的Panettone來，呢款意大利甜點，真不知多少年沒嚐過。

以往聚會，不外乎是狂飲啤酒汽水，如今真的老了，果汁與酒都沒有人吼，反而個個衝著飲茶，OR Tea及Tea WG成為了大家摯愛。

食下傾下睇下You Tube，還俾我認識到馬來西亞最紅的You Tuber，哈哈哈～

最後更是朋友自家製的曲奇，真開心！過年一於再聚！