食物：$$$1/2
環境：$$$$
服務：$$$$
好早已得知銅鑼灣會開間Club Albergue 1601，朋友當時還提起，個名咁熟，係咪澳門Albergue 1601的分店呀？
到處收下風，原來兩者的確是屬同一集團，不過澳門那家是吃葡國菜，而銅鑼灣新店就係以生蠔為主打的西餐廳，不盡相同。
個人對澳門那間葡菜印象十分正面，連帶對此新店也有點期望，希望唔會令我失望而回。
餐廳前部份是酒吧區，又多個地方第日跟朋友飲嘢吹水。後半部份則是用餐的地方，另還有露天的位置，不過是晚氣溫急降至八度，加之下著雨，梗係舒舒服服坐番入面好。
先以沙律作熱身，蟹肉及黑魚籽都是我喜歡的食材，只要足料，加埋辛辣的火箭菜將之塗上薄而脆的多士之上，必定可口。如果可以多兩塊多士就好了。
既然呢度主打生蠔，就來兩盤「Around the world oyster platter」,顧名思義，這盤生蠔，是來自不同的產地，美國、法國、愛爾蘭，乜乜乜，一共十六款。早已過了可以喪啪一兩打生蠔的年紀，是晚只嚐了幾款，最巨大的肯定就是美國的Pacific Oyster，又有超Creamy的Saldanha，同是南非佳麗的La
Jolie也不錯，最濃味就是法國的代表了。
幾款生蠔水準不俗，對往後菜色更有期望。豬手巨大是預料之中，即製出來，好夠熱皮亦酥脆，肉質鬆化，只是調味稍為重手，略嫌過咸，送酒就一流。
Pizza我鍾情於四色芝士，夠香夠濃，薄身而邊位脆，是我等重口味的人士之選。
生怕吃不飽，又要來了兩款意粉，托托蜆意粉微辣，很是惹味，而托托蜆本身肥美得來，味道很鮮。Carbonara一向是我的至愛，面頭加多撮海膽，滿足度頓時爆燈。
貪心如我，吃甜品拼盤最好，一次過滿足幾個願望。拿破崙的酥餅是厚身的一款，不是我的至愛，但亦來得酥脆。芝士蛋糕細滑，脆餅底有助加分。
以充滿特色的咖啡作結，就是好。
餐廳資料:
Club Albergue 1601
今星期真係太過份，要快D好返呀
回覆刪除希望可以好快好快好番
刪除Carbonara仲乜咁怕醜唔出場呀? ;P
回覆刪除大人物唔係咁輕易出場 ＸＤ
刪除