Mango Tree Cafe - 芒果樹下擦餐勁

食物：$$$1/2

環境：$$$$

服務：$$$$

上次與朋友素素慶祝生日，就是來Yoho Mall的Mango Tree Café。當時一致認同水準不俗，但我們食力太有限，仍有許多想吃的菜色未能試到，早已決定要擇日再來。

你忙佢又忙，要約齊一班朋友食飯，愈見困難，好不容易才定好日子。我來就方便啦，西鐵兩個站即到。

    

猶記得上次頭盤的蝦多士，水準勝於不少老牌中式酒家，今次的炸魷魚圈也不失禮，粉沒過厚，咬落香口而魷魚爽身不韌，唔會似趙香口膠咁。

一向對烤鴨薄餅好有興趣，見呢度有，又來一個。厚身Pizza像大某連鎖店的出品，甜甜的鴨醬有點搶去了烤鴨的風頭，但荔枝又正好作個平衡，有趣。

以蕉葉包裹著的燒可斑，還以為會很辣，原來我諗多左，魚肉嫩，沒半點辣勁，幾醒胃可口。旁邊伴上糯米飯，將汁醬發揮至極致。

反而，金不換蜆肉偏意粉的辣勁，比想像中強，來得十分惹味，蜆肉細嫩、味鮮。但不能吃辣的朋友，要不停喝水了。

因煲仔菜色，買一第二個就半價，所以一來就點了幾個煲，分別是馬拉盞雞煲、森巴牛仔骨煲，以及魚露蝦乾芥蘭煲。說實話，三款都好惹味，雞肉腍身，牛仔骨鬆化，同埋好肥美。惹味的蝦乾配芥蘭，令我不其然吃多了菜。

之前嚐過的冬蔭公芝士大蝦伊麵，非常好吃，今次本想「安哥」，可是如今已轉由冬蔭公轉為咖喱，味道雖唔算差，但始終不及冬蔭公美味，可能是先入為主的關係吧～

心太軟香濃，而且做出流心效果，收貨有餘。泰式提拉米蘇和芒果糯米飯，因為附有雪糕，流著鼻水的筆者要忍一忍口，不敢亂碰。

晚飯前，有人曾提議甜品下場，但吃罷咁豐富既盛宴後，大家已要抱著肚子離開，無力繼續。

餐廳資料:

Mango Tree Cafe

元朗朗日路9號形點一期1樓1035號舖

26022878